Politique

Mamaky ady amin�ny TIM ny HVM

Politique
Talata 07 Jolay 2015

Tsy tokony hamitaka ny filoham-pirenena teo aloha Ravalomanana Marc sady filohan�ny antoko Tiako i Madagasikara na TIM,

hoy ny minisitra Rivo Rakotovao, filohan’ny antoko Hery Vaovaon’i Madagasikara omaly, fa rehefa hanohitra ny fanjakana misy izy dia miala ao anatin’ny governemanta Ravelonarivo Jean ireo minisitra avy any amin’ny antokony. Milaza ho miara-miasa amin’ny fitondrana ny antoko TIM kanefa mifidy ny fitsipaham-pitokisana ny governemantany ny solombavambahoakany hoy hatrany ny filoha nasionalin’ny antoko HVM. Omaly no nanao ny fivoriana fanomanana ny fifidianana ben’ny tanàna teny Antanimena ny HVM ka nandritra izany fotoana izany no nanambaran’ny minisi-panjakana Rivo Rakotovao fa handray fepetra amin’ireo mpanao politika mitsingilahila sy mamadika ny birao foiben’ny antoko. Momba ny fitakian’ny Armada ny fifidianana filoham-pirenena alohan’ny fotoana kosa dia nanambara Rivo Rakotovao fa tokony hiandry ny 2018 Atoa Hajo Andrianainarivelo izay nitondra io fitenenana io satria efa nilatsaka hofidiana izy fa tsy lany ka tsy tokony hanakorontana intsony.Fanambarana ofisialy no nataon’ny filoha nasionalian’ny HVM omaly izay midika fa eken’ny filoha Hery Rajaonarimampianina ihany koa iny, ary raha itarina ny resaka dia mazava izany fa vaky tanteraka ny ady eo amin’ny TIM sy ny HVM, ary mety hanaporofoana izany ny antsojay ataon’ny fitondram-panjakana amin’ny orinasa Tiko izay fananan’Atoa Marc Ravalomanana.