Politique

Maitre Willy Razafinjatovo Manao fanaparam-pahefana ny fitsarana

Politique
Talata 30 Jona 2015

Anio maraina amin�ny 8 ora no hiverina hiakatra fitsarana i Rado Rabarilala, mpitondra tenin�ny mpiasan�ny kompania Air Madagascar. Tsy vita omaly ny fihainoana azy teny amin�ny lapan�ny fitsarana teny Anosy noho ny fisavana tsy maintsy mbola natao tamin�ny tranony.

Ho an’ny mpisolovava azy i Me Razafinjatovo Willy na Olala dia tsotra ny resaka, noho Rabarilala Rado nampihatra ny zony hitokona no nahatonga izao rehetra izao kanefa ny lalàmpanorenana dia manome mazava ny mpiasa malagasy zo hitokona, hoy ity mpisolovava ity. “Manomboka izao ve izany dia hogadraina avokoa izay mpikambana amin’ny delegen’ny mpiasa mitaky ny zony amin’ny alalan’ny fitokonana ?”, hoy ny Me Razafinjatovo Willy. Naneho ny alahelony ihany koa ity mpisolovava ity amin’ny ambarany fa fanaparam-pahefana ataon’ny fanjakana. « Milaza ho manaja ny fahaleovantenan’ny fitsarana sy ny zon’olombelona ity fitondrana ity kanefa dia izy ireo ihany no manome baiko ny mpitandro ny filaminana sy ny mpitsara hanao izao fanaparam-pahefana rehetra izao », hoy ny Me Olala. Nambarany mantsy fa tsy manaraka ny lalàna ihany koa ny nisamborana an’i Rado Rabarilala amin’ny andro tsy fiasana.