Politique

Maherifon’ny firenena Notsiahivina manokana

Politique
Talata 31 Jolay 2018

Daty tsy azo kosehina amin`ny tantaram-pirenena ny datin`ny 30 jolay 1978.

Notanterahina omaly alatsinainy 30 jolay teny Mausolée ny fametrahana fehezam-boninkazo ho mari-pahatsiarovana ny faha-40 taona namindrana ny taolambalon`ireo maherifon’ny firenena teny an-toerana. Raha tsiahivina, nianjera ny 30 jolay 1976 tao Ankazomiriotra ny angidim-by nitondra ny praiminisitra tamin`izany sy ireo mpiara-miasa aminy dia ny Lieutenat Colonel Rakotomalala Joel, Rajaonah Pierre, Rakotonirainy Alphonse…, hoy ny Lieutenant Rasombiniaina Aimée, mpandinika ny tantaram-pirenena. Miisa fito izy ireo no namoy ny ainy. Marihina fa ny Lieutenant Colonel Joel Rakotomalala no nametraka ny vatofehizoro teny Mausolée ho fahatsiarovana ny tolom-panafahana tamin`ny taona 1947, antony tsy nampikoso-maso ireo mpandala ny tantaram-pirenena hanomezana voninahitra omaly. Tonga nanome voninahitra ny hetsika fahatsiarovana ny filoham-pirenena Hery Rajaonarimampianina sy ireo tompon’andraikitra ambony ary manamboninahitra maro. Nitohy teny Ankatso ny fanateram-boninkazo ho fahatsiarovana ny faha-70 taona nitifiran'ireo mpanjanatany ireo Maherifo niady ho an'ny fahaleovantenan'i Madagasikara, dia ny Lieutenat Albert Randriamaromanana, Rakotondrabe Samuel, Ratsizafy Samuel, Bekamisy ary Lezoma.

Marigny A.