Politique

Partagé sur :
• facebook

Tokony hanome alalana an-dRavalomanana hamangy ny vahoaka traboina ny mpitondra ankehitriny, hoy i Nenifara Ambohitrimanjaka, satria na dia mampahery fotsiny aza dia hainy ny miresaka amin’ny vahoaka. Aoka ny mpitondra hisaina lalina fa tena manota fady ny

Malagasy,  ny vato be aza ity mitady hirodana, ny satroboninahitry ny mpanjaka tsy hita hatramin’izao. Andrianamponimerina aza tsy nanasaraka an’Antananarivo fa nanambatra nefa mpanjaka masi-mandidy. “Mampanontany tena ihany hoe :  vaky ve i Sisaony sa nisy namaky haminganana ny mpitondra ?”, hoy i Manoela. Mety mihazakazaka ny praiminisitra Ravelonarivo ary mahitsy teny dia tsy zakan’ny sasany hoy izy. Esory ny sampy rehetra mandrakotra tanàna fa tsy mitondra soa ary tamin’ny tetezamita avokoa no nametrahana ireny. Kristianina i Madagasikara fa tsy franc-maçon hoy ny fanazavana. Mila miara-mandinika hoe ahoana no ivoahana amin’ny rano, ho avy ny rivodoza roa, mikapoka ny Tompo, ny vola anefa tsy am-pelatanana. Ny dalles tsentsin’ny fako. Tsy mahavita fihavanana ny olona tsotra fa hafa ny olona voahosotra ary na ny jentilisa aza manaiky fa ny FFKM no filoham-piangonana. Hafatra ho an’ny mpitondra, aleo manafatra vary dieny izao fa ho ratsy ny tantana. Raha mianjera i Hery Rajaonarimampianina dia noho ny HVM ihany. Asa raha ho tanteraka ny fifidianana ben’ny tanàna satria anaty rano i Madagasikara. Aleo tena mivavaka ry Malagasy.

RHR/Ntsoavina Evariste

Tia Tanindrazana

Samia mijoro ho an'i Gasikara.