Politique

Magro Behoririka Nambenan�ny herim-pamoretana indray

Politique
Alarobia 15 Oktobra 2014

Tonga nihaodihaody ary niambina ny manodidiana ny kianjan�i Magro Behoririka indray omaly ny mpitandro ny filaminana avy amin�ny Emmoreg nahitana fiara tsy mataho-dalana miasa an-drenivohitra maromaro ary kamio lehibe vitsivitsy samy feno miaramila sy zandary mirongo fitaovam-piadiana avokoa.

Azo antoka fa fatahorana ny hivoahan’ny mpitolona hilahatra an-dalambe hanohitra ny fakana an-keriny ny filoha Marc Ravalomanana efa nandrasana hatramin’ny taona 2009 no nahatonga izao fihetsika izao izay midika ho fampitahorana sy famoretana an-kolaka ny vahoaka mitaky ny rariny sy ny hitsiny am-pitoniana. Tsy nihemotra tamin’izany anefa ny mpitolona tetsy amin’ny kianjan’ny finoana fa dia tonga nameno ny toerana tokoa , indrindra ireo renim-pianakaviana mahatsiaro ho voatohina mafy amin’ny mahazo an’i Neny Ravalomanana sy ny mahazo azy ireo mivantana ihany koa noho ny nanjo an’i Dada. Miombom-po tanteraka amin’ny fianakaviana Marc Ravalomanana izahay, hoy ny feo nanakoako tetsy Behoririka omaly, ary tsy mitsahatra mivavaka manokana hifankahita tava sy hiaraka hiriaria finaritra indray amin’i Dada tsy ho ela.