Politique

Magro Behoririka Mody Ravalomanana vao milamina ny tany

Politique
Zoma 19 Septambra 2014

Lavitra ny lalana nodiavin�ny tolona, hoy i Guy Roger tetsy amin�ny Magro Behoririka omaly, mbola maro no tsy tanteraka nefa tsy isika irery no mitaky fa ny iraisam-pirenena ihany koa ary na miseho dadany aza ny fitondrana, Ravalomanana mody vao milamina ny tany.

Tamin’ny andron’i Marc Ravalomanana no nisy voalohany ny polisy monisipaly, hoy i Fenomanjato, ary nilamina ny tany satria tsara ny tahiry ary mivoatra foana ny tanàna. Ohatran’ny hoe aleo ihany Rajoelina fa izy azo noresahana sy nahazoana zavatra, hoy i Manoela nanome fanamarihana. Nampidi-kizo ny firenena lalina anefa, hoy ihany izy Rajoelina ary manohy izany i Hery Rajaonarimampianina. Niara-nanongam-panjakana izy roalahy ary ny mpanongam-panjakana tsy afaka mitondra firenena. Mihemotra koa izao ny iraisam-pirenena satria na dia tsy mety aza dia nekena fa ny fitantanan’ny firenena tsy mety ary ny fepetra tsy tanteraka.