Politique

Lisitra sy ny biraom-pifidianana Andrasana ny fivoahany ao anaty gazetim-panjakana

Politique
Zoma 07 Septambra 2018

Ao anatin’ny fikarakarana ny fifidianana izay ho Filoham-pirenena tanteraka ny CENI amin’izao fotoana izao.

Voalazan’ny lalàna fehizoro Laharana faha-2018-008 tamin'ny 10 aprily 2018, andininy faha-125 fa tsy maintsy faritana amin'ny alalan'ny fanapahana raisin'ny CENI, enim-polo (60) andro farafahakeliny mialoha ny androm-pifidianana ny lisitra sy ny toerana misy ireo biraom-pifidianana. Milaza ny Vaomieram-Pirenena Mahaleotena Misahana ny Fifidianana (CENI) fa efa nampitain’ny ao amin'ny sampandraharaha miandraikitra ny famoahana ny gazetim-panjakana eny amin’ny primatiora ny 29 aogositra lasa teo ireo fanapahan-kevitra mikasika ny lisitra sy toerana misy ireo biraom-pifidianana manerana ny Nosy. Andrasana ny famoahana izany ao anaty gazetim-panjakana. Na izany aza dia efa azo jerena ao amin’ny tranonkalan’ny CENI ihany koa ireo tahirin-kevitra ireo nanomboka ny 29 aogositra 2018.

Nangonin’i Jean D.