Politique

Lisi-pifidianana Maneho ny ahiahiny ny CRAM

Politique
Sabotsy 11 Aogositra 2018

Mipetraka eo an-tsoroky ny talen’ny sampana ara-informatika (DSI) eo anivon’ny CENI ny hoavin’ny firenena mandritra ny fifidianana amin’ny 07 novambra 2018.

Manana andraikitra goavana izy satria raha sanatria ka miverina ny fomba fanao amin’ny fandatsahana ny anaran’ny mpifidy tsy mitovy hevitra amin’ny kandidàm-panjakana isam-pokontany na dia efa niverina nisoratra anarana tany amin’ny Biraom-pokontany aza ilay olom-pirenena vonona ny hifidy dia izay no hitarika ny olana goavana eto amin’ny firenena mandritra ny andron’ny 07 novambra 2018 sy aorian’ny fifidianana, hoy ny CRAM (Cercle de Réflexion pour l’Avenir de Madagascar). Manolotra vahaolana ny CRAM, dia ny tokony hahazoan’ny solontenan’ny Kandidà tsirairay (mandataire) ny lisitra elekronikan’ireo mpifidy isaky ny birao fandatasaham-bato hahazoany manamarina raha ao anatin’ny lisi-pifidianana ny olony efa nisoratra anarana. Fantatra aorian’izay ny toerana sy ny tena isan’ny biraom-pifidianana marina manerana an’i Madagasikara. Faharoa, ny kandidà sy ny Antoko politika manolotra kandidà dia tokony hanana “outil de travail informatique - système d’information électorale en temps réel” na fitaovana ara-informatika sy ireo pitsopitsony samihafa hahazoany vaovao momba ny fifidianana ara-potoana.

Toky R