Politique

Lalàna mifehy ny fifidianana Diso tetika ny HVM

Politique
Talata 31 Jolay 2018

Mipoitra avokoa ireo kandidà azo heverina fa ho “favori” amin`ny fifidianana manaraka. Efa mitety faritra hatrany ireo handray anjara na dia misy aza ireo tsy nanao fanambarana ofisialy.

Tsikaritra fa diso kajy ihany tamin`ny fampandaniana ny lalàm-pifidianana ny HVM satria natao ny amboletra rehetra amin`ny handresena amin`ny fifidianana. Mihevitra azy ho henjana tokoa ny antoko HVM ka natao fotsiny amin`izay mahametimety ny fitondrana ny raharaha. Hita taratra anefa fa tsy mamim-bahoaka intsony ny antokon’ny fitondrana ary tena misy ny kandidà hafa mahazaka olona maro kokoa amin’ny famelabelarana ny vinam-piarahamoniny na dia tsy afaka mampiasa fahefam-panjakana sy manao tsindry bokotra aza.Teboka niaingan’ny tolona ho an’ny fanovana ka nanovana ny governemanta iny kitoatoa tamin’ny fandaniana ny lalam-pifidianana iny izay nitarika tranga maro samihafa tsy tao anaty kajin’ny HVM.Tranga izay azo antoka fa vao miha nampitombo ny fahasosoran’ny vahoaka amin’ny mpitondra manga kravaty.Voan`ny ataony ihany ny antoko HVM amin`ny kajikajy politika diso tafahoatra.

Marigny A.