Politique

Krizy eto Madagasikara Nampitombo avo telo heny ny olana ara-tsakafo

Politique
Alarobia 03 Jona 2015

Mbola lasibatry ny hanoanana ny olona 1 amin�ny 9 na mponina 795 tapitrisa maneran-tany, araka ny tatitra farany navoaky ny Firenena Mikambana momba ny olana

ara-tsakafo taona 2015. Nihena 21% anefa io tarehimarika io tao anatin’ny 25 taona, hoy ny Sofi 2015. Firenena 79 amin’ny 129 narahin’ny sampanasan’ny Firenena Mikambana misahana ny sakafo maso no nahatratra ny tanjon’ny taona arivo fahatelo ho fampihenana hatrany amin’ny antsasany ny tsy fahampian-tsakafo hatramin’ity taona 2015 ity.

Sakafo tsizarizary

Voakasiky ny fahampian-tsakafo manokana ny faritra Afrika atsimon’i Sahara ahitana ny firenena Malagasy. Laharana faha-4 manerantany amin’ny fisakafoanana tsizarizary i Madagasikara. Mahatratra 28%n’ny mponina ambanivohitra na Malagasy 4 tapitrisa no misakafo tapa-kibo. Tara ny fitomboan’ny 47%n’ny zaza Malagasy miisa 2 tapitrisa vokatry ny fiovaovan’ny toetr’andro sy ny loza ara-boajanahary miaraka amin’ny tsy fahamarinan-toerana ara-politika sy korontana anatiny. Malaza amin’ny krizy miverimberina rahateo i Madagasikara izay antony iray nampitombo avo telo heny ny olana ara-tsakafo, araka ny tatitra isan-taonan’ny Firenena mikambana. Tsy misy afa-tsy ny finiavana politika anefa no lakile hanatratrarana ny tanjona ho famongorana ny hanoanana, hoy ny FAO.

Ramano F.