Politique

Kongresin�ny Antoko TIM Atao mialoha ny fifidianana ben�ny tan�na

Politique
Zoma 23 Janoary 2015

Nanambara ny mpitondra tenin�ny ankolafy Ravalomanana sady mpikambana eo anivon�ny Antoko Tiako I Madagasikara Atoa Guy Rivo Randrianarisoa fa mijoro ary miroborobo ny antoko.

Na dia nisy aza ny resaka nandeha teo aloha mahakasika ny antoko dia efa mijoro ara-dalàna ireo mpikambana ao anatiny ary efa nisy ny didim-panjakana namerina izay ho amin’ny tompony. Voalaza fa Atoa Razoarimihaja solofo Nantenaina no filoha nasionaly ary Atoa Mamy Rakotoarivelo no sekretera jeneraly. Nomarihiny fa hisy ny Kongresy lehibe izay atao ato ho ato ary mety ho mialoha ny fifidianana ho ben’ny tanàna no hanantanterahana izany. Azo heverina izany fa dia handray anjara amin’ny fifidianana izay ho avy manaraka eo ny Antoko Tiako I Madagasikara, indrindra fa ny fifidianana kaominaly.