Politique

Kolonely Charles Andrianasoavina Ho avy ato anatin�ny 24 ora

Politique
Talata 13 Janoary 2015

Tapa-kevitra ny hody an-tanindrazana ny lietna-kolonely Charles Andrianasoavina. �Talata na alarobia izy no higadona an-tanindrazana�, hoy ireo namana akaiky azy.

Anisan’ireo gadra politika andiany voalohany nahazo famotsoran-keloka avy amin’ny filohan’ny Repoblika araka ny didim-panjakana 2014-1941 tamin’ny 24 desambra 2014 ity manamboninahitra avy amin’ny andiany faha-19 nivoaka tao amin’ny Akademia miaramila Antsirabe ity. Ny raharaha BANI tamin’ny 17 novambra 2010 no nisamborana ka nanamelohan’ny fitondran’i Andry Rajoelina azy hanao asa an-terivozona mandra-pahafatiny. Narary mafy tany am-ponjan’i Tsiafahy izy ary telo taona lasa izay no nandefasana azy nitsabo tena atsy La Réunion. Taorian’ny nandrenesany fa hovotsorana ireo gadra politika no efa nilaza i Kolonely Charles fa hiverina an-tanindrazana, mialoha ny faran’ny volana janoary 2015. Niandry ho azo teo am-pelatanana ny taratasy manaporofo fa nahazo famotsoran-keloka izy taorian’izay, ary dia izao fantatra fa ho avy ato anatin’ny 24 ora izao.