Politique

Kiranomena - Fenoarivobe Nivadika indray ny tantara

Politique
Alatsinainy 31 Aogositra 2015

Voalaza tany aloha fa nizotra nilamina tamin�ny an-tsakany sy an-davany ny fifidianana notontosaina tany Kiranomena Fenoarivobe ka nahatafavoaka ho mpandresy raha ny vokatra vonjimaika nivoaka ny kandid� TIM Randrianaivoarisoa Jaona Lydian.

Efa nitondrana akony mihitsy teto amin’ny gazety Tia Tanindrana laharana 1797 ny alatsinainy 10 aogositra 2015 pejy faha-2 aza izany. Fantatra indray izao fa nivadika ny rasa fa nolazain’ny kandidà iray hafa izay ben’ny tanàna am-perinasa fa nisy hala-bato sy fikorontanana samihafa, hono, nitranga tany amin’ity distrika ity tamin’iny fotoam-pifidianana iny. Voatery nametraka fitoriana eny amin’ny tribonaly misahana ny fitsarana ny fifidianana izy izay mitaky ny hanafoanana ny voka-pifidianana any amin’ireo birao fandatsaham-bato sasany tena naharesy azy be dia be. Nasaina nanatitra « mémoire de défense » eny anivon’ity fitsarana ity mihitsy aza eo anatrehan’izany ny kandidà Randrianaivoarisoa Jaona Lydian. Dia samy miandry ny vokatr’izany amin’ny famoahana ofisialin’ny fifidianana kaominaly notontosaina tamin’ny faha-31 jolay teo raha ny marina ny rehetra mba tena ahafantarana ny zava-nisy marina tany an-toerana.