Politique

Kaominina Ambohibao Antehiroka Niampy iray ireo kandida ho Ben�ny tan�na

Politique
Zoma 08 Mey 2015

Niampy iray indray ny kandida mpifaninana hirotsaka ho Ben�ny tan�na eny amin�ny kaominina ambohibao Antehiroka distrikan'Ambohidratrimo. Ankoatra ireo efa fantatra dia anisan�ny mpifaninana ihany koa Rakololahy Charles Mandresy Olivarest

. 39 taona ny lehilahy, mpandraharaha ara-toekarena. Mahaleotena ity kandida , tompon’ny orinasa Mandresy sy ny Centre Medical Miahy eny Antehiroka izay mandray an-tanana ireo mararin’ny homamiadana, ankoatra ny fitsaboana ireo olona sahirana ara-pivelomana ao amin'ity kaominina ity. Mbola izy ihany koa no filohan'ny fikambanana ara-tsosialy Miahy izay manao asa soa ho an'ny mpiara-belona hatramin'izay 11 novambra taona 2014 nijoroan’ny fikambanana. Vonona ny hampandroso ny tanàna sy ny mponina ao amin'ny kaominina Ambohibao Antehiroka izy amin'ny alalan'ny traikefa ananany momba ny fiahiana ny maha olona hatramin'izay. Hamaly ny filana sy ny hetahetan'ny mponina no tanjony amin'izao finiavany hilatsaka ben'ny tanàna izao. Hatao laharam-pahamehana ny fampandrosoana ireo fokontany miisa sivy ao anaty Kaominina.

Pati