Politique

Kaominin�Antananarivo Renivohitra Hisy asa mivaingana vita ao anatin�ny 3 volana

Politique
Talata 13 Oktobra 2015

�Tsy misy andraso andraso fa tonga dia hiasa avy hatrany isika�, hoy ny Ben�ny tan�na Lalao Ravalomanana omaly maraina raha niresaka tamin�ny mpiasan�ny Kaominin�Antananarivo Renivohitra teny amin�ny Lapan�ny tan�na izy taorian�ny fananganan-tsaina voalohany nandraisany anjara.

«Ilaina ny fifanajana ary tokony ho hentitra mba hivaingana ny vokatra ho azo», hoy hatrany ny fanambarana nataony ary ao anatin’ny telo volana dia efa tokony hisy asa mivaingana vita. Namerimberina hatrany i Neny fa atao ao anaty fitiavana daholo ny asa. Mino sy matoky aho, hoy izy fa tsy ho zava-poana ny ezaka atao ary ny tanjona dia ny fanarenana ny tanàna. Re fa ho anio no mety hahafantarana ireo mpiara-miasa akaiky amin’ny Ben’ny tanàna vaovao ka hampihazakazaka hatrany ny asa hatao. Ao anatin’izany rehetra izany dia mitohy hatrany ny fitsirihana ny zava-misy eny amin’ireo fokontany maro manerana ny renivohitra mba hahafantarana ny asa maika tsy maintsy atao. Anatin’ny fiovam-penitra ny eo anivon’ny CUA ankehitriny, ka voalohany amin’ireny ny fametrahana ny tsy maintsy hanajana ny fitsipi-pifehezana mba hampirindra tsara ny asa.