Politique

Kandida Dama Maniry ny hihaona amin-dRajao, Ravalo ary Rajoelina

Politique
Sabotsy 29 Septambra 2018

Araka ny vaovao nivoaka tetsy anivon’ny birao fiasan’ny antoko politika Manajary Vahoaka na ilay antoko manohana ny kandida ho filoham-pirenena, Zafimahaleo Rasolofondraosolo, fantatra amin’ny hoe Dama Mahaleo,

dia maniry ny hifanatrika an-databatra boribory amin’ireo filoham-pirenena teo aloha malaza ho favori amin’ity fifaninana hahazo an’Iavoloha ity, izany hoe Hery Rajaonarimampianina, Marc Ravalomanana ary Andry Rajoelina, ny kandidan’izy ireo. Tiany raha mandeha amin’ny haino aman-jery izany fihaonana izany, raha ny fampitam-baovao hatrany. Te hamantatra sy hampahafantatra amin’ny vahoaka ny antony nahatonga ny firenena ho nitontongana tao anatin’ny fifandimbiasam-pahefan’izy 3 mirahalahy i Dama, raha ny fanazavana. Dama, hoy izy ireo, dia nanambara hatrany fa fotoana izao handraisan’ny olom-pirenena tsirairay andraikitra, araka ilay fitenenana hoe, tsy adidiko izaho samirery fa adidiko izaho sy ianao. Mila ovana ny rafi-pitantanana eto amin’ny firenena ary heverin’ity kandida ity fa izy 3 mirahalahy ireto no tomponantoka voalohany tamin’ny fitantanana farany an’i Madagasikara ary antony ilana mafy io fihaonana io, raha ny fanazavana.

J. Mirija