Politique

Jean Ravelonarivo “Tsy maintsy miara-miasa amin’ny firenena matanjaka isika”

Politique
Alarobia 19 Septambra 2018

Tsy vaovao ny fiaraha-miasa amin’ny vahiny ary safidin’ny tsirairay ny hanao azy. Tsy maintsy mahafantatra ny atao hoe « Geopolitique » matoa milatsaka ho filoham-pirenena izany ary olon-dehibe.

Ny tanjona dia ny hitady izay hahafahana mampandroso haingana. Mila miara-miasa amin’ny firenena matanjaka isika eo amin’ny resaka teknolojia sy fampandrosoana manaraka ny fenitry ny tontolo iainana ohatra. Iarahantsika mahalala fa ny firenena mandroso amin’izao dia i Brezila, Etazonia, Sina sy izay firenena tsy miandany. Hampandroso firenena no hataon’ny kandida ho filoham-pirenena, Jean Ravelonarivo, izay tohananay, hoy ny filohan’ny Antokom-BAhoaka malagasy (ABA), Danny Herintsoa Rakotoson, ka rehefa ho tonga eo amin’ny toerany ve izy vao hitady firenena hiara-kiasa aminy. Izao izany dia mila tadiavina satria ny fampitarazohana ny fampandrosoana dia averiko foana fa naman’ny famonoana olona, hoy hatrany ny filohan’ny antoko ABA.

J. Mirija