Politique

Jean Ravelonarivo Amin�ny 31 jolay ny fifidianana

Politique
Zoma 03 Aprily 2015

Mampitovy tadin-dokanga Iavoloha sy Mahazoarivo. Nandritra ny fanotronany ny lanonan�ny zandarimariam-pirenena tetsy Anosy omaly dia nanamafy ny praiminisitra Jean Ravelonarivo, fa hatao ny faha 31 ny volana jolay izao ny fifidianana Ben�ny tan�na sy mpanolotsaina.

Tafiditra amin’ny fandaharan’asan’ny Filohan’ny Repoblika ny fanatontosana ny fifidianana isaky ny antana-toha-pahefana rehetra hoy ny praiminisitra ka tokony ho vitaina izany. Ny mikasika ny sata manokan’Antananarivo dia nanambara ny Mpiraiinisitra fa tokony efa hilamina alohan’ny datin’ny fifidianana ny fanitsiana azy hifanaraka amin’ny làlàm-panorenana. Ny praiminisitra lehiben’ny governemanta izay nanindry mafy fa iray amin’ireo teboka valo lehibe nambarany teny Tsimbazaza mikasika ny fandaharan’asam-pampandrosoana norafetany ny momba ny fandriampahalemana sy ny filamianana Nasiany teny manokana ny fiarovana ny sisin-tanin’i Madagasikara amin’ny fivoahan’ny harenan’ny Malagasy an-tsokosoko sy ny fiarovana manokana ny fivezevezen’ny omby ato anatin’ny tanin’i Madagasikara. Nankahery sy niarahaba ny fianakaviamben’ny zandary ny mpiraiminisitra amin’izao tsingerin-taonany izao. Tsingerintaona izay manana ny teny faneva hoe Zandarimariam-pirenena mari-toerana eo anivon’ny fiaraha-monina no sady mpiandry ny sata Repoblikanina amin’ny fomba mahomby sy matihanina.

Andry Ratovo.