Politique

Jean Max Rakotomamonjy “Mila fitoniana sy fihavanana ny Malagasy.”

Politique
Alakamisy 23 Aogositra 2018

Anisan’ireo 36 mianadahy amin’ireo kandida ho filoham-pirenena neken’ny fitsarana avo momba ny lalàm-panorenana handray anjara amin’ny fifidianana atao ny 7

novambra izao ny filohan’ny antenimieram-pirenena natolotry ny antoko Leader Fanilo izay tarihiny, Jean Max Rakotomamonjy. Nanamafy ny tenany fa tsy miady amin’ny filoham-pirenena ankehitriny, Hery Rajaonarimampianina, akory. Ny fomba fijerinay no tsy mitovy, hoy izy. Mila fitoniana sy fihavanana ary firaisankina ny Malagasy. Anisan’ny ho vain-dohan-draharaha ao anatin’ny praogramany moa raha ny nambarany ny mikasika ny fitantanana ny fitsarana eto Madagasikara. Tanjona ny andraisan’ny olom-pirenena tsirairay anjara biriky amin’ny fandraisana an-tanana ny hoaviny, hoy izy na eo amin’ny ara-piainana na fandriampahalemana. Hojerena manokana ihany koa ny eo amin’ny lafiny fahasalamana satria tsy zakan’ny vahoaka intsony ny vidim-panafody. Tsy maintsy atao, hoy izy, izay hahatafiditra ny zaza Malagasy rehetra an-tsekoly.

J. Mirija