Politique

Partagé sur :
• facebook

Raha fifidianana milamina sy manaraka ny fenitra demokratika rehetra, tsy feno ny fepetra.

Mikorontana daholo ny tsy fifehezana ny fifandraisana sy fifanajana amin`ny samy fifidianana. Na ny firotsahan’ireo kandidà 22 mangataka famerenana fanokafana lisi-pifidianana no ahitana fa tsy manaraka ny fenitra ny fifidianana filoham-pirenena. Tsy toy ny taloha ny fisehoan`ny fanokafana ny propagandy, hoy ny  mpitsara Imbiky Herilaza,  satria efa hita tamin`ny volana maro no nisy nihazakazaka efa nanao. Nohamafisin`ity mpahay lalàna ity, maro ireo efa nanao “tam-tam be” sy nanokana ny foibeny… Toa tsy amin`ny maha andro voalohany mihitsy ity fampielezan-kevitra ity fa toa ny andro voalohany ofisialy fotsiny. Ny rehetra rehefa nanao fampielezan-kevitra mialoha hany ka  tsy voafehin’ny fanjakana ny fiainam-pirenena. Nomarihany fa somary tara raha haka fepetra, indrindra mahakasika ny fitakian`ireo kandidà `ny famoahana lisi-pifidianana araka ny lalàna tsy azo atao intsony. Nilaza ihany koa ity mpitsara ity fa mitongilana ny resaka famatsiam-bolan`ny kandidà satria tsy araka intsony ny fidiram-bola amin`ny fampielezan-kevitra ka miavaka hatrany ny kandidà matanjaka be sy ny kandidà malemy. Tsikaritra, hoy Imbiky Herilaza fa misy antokon`olona avy any ivelany manome vola any amin`ilay kandidà nefa iaraha-mahafantatra fa ny famatsiam-bola avy any ivelany tsy azo atao. Maro ny lafiny tsy voafehy tamin`ity fifidianana ity. Ohatra, ny lalàna mahakasika ny fififdianana milaza fa ny “support publicitaire” dia tsy azo hanaovana fampilezan-kevitra nefa ataon`ireo kandidà ka tsy misy lalam-pifidianana  voahaja amin`nyzavatra hita, hoy hatrany ny fanazavana.

Marigny A.

Tia Tanindrazana

Samia mijoro ho an'i Gasikara.