Politique

Imbiky Herilaza Diso varavarana ny mpitory

Politique
Alakamisy 06 Septambra 2018

Manoloana ny fitoriana mahakasika ny didy fiampiantsoana ny mpifidy napetraky ny kandidà iray dia manazava ny heviny mahakasika izany ny mpitsara, Imbiky Herilaza.

Amin`ny ankapobeny, ny fifanolanana amin`ny fifidianana dia milaza ny lalàna 2018-008 fa raha misy fifanolanana mahakasika fifidianana, indrindra fa ny fifidianana filoham-pirenena, dia ny HCC no mahefa mitsara izay. Raha misy ady hifanolanan`ny andrim-panjakana roa dia namoaka didy fanapahana ny HCC ary noho io didy io no namoahan`ny governemanta indray ilay fifidianana mialoha ny fotoana. Iny ilay didim-panjakana izay nisy nitory tany amin`ny Filankevi-panjakana. Izany dia “Acte de gouvernement” ka noho izany tsy afaka mitsara ny Fitsarana satria misy amin`ny teny baiko “immunitè juridictionnelle” ka tsy azo tsaraina. Raha ohatra ka namoaka ilay fihevitra ny HCC taaorian`ny taratasy nalefan`ny praiminisitra. Ny hevitra navoakan`ny HCC kosa dia tsy voatery arahina fa ny didy fanapahana sy ny didy ihany no tsy maintsy arahina kanefa manan-danja ny hevitra navoakan`ny HCC. Ka raha ilay fihevitra no arahina dia tsy tokony mahefa ny filankevi-panjakana hitsara ny raharaha fangatahana fanafoanana ilay didim-panjakana napetraky ny kandidà, hoy hatrany fanazavany.

Marigny A.