Politique

Partagé sur :
• facebook

Nivoaka tamin'ny fomba ofisialy ny sabotsy lasa teo, taorian'ny antsapaka izay nataon'ny CENI ny laharana izay entin'ireo kandidà ho filoham-pirenena tsirairay avy. Mitondra ny Laharana" faha-26"

ny kandidà Imbeh Serge Jovial. Ity tarehimarika ity dia tena manan-danja, hoy ity mpahay toekarena ity. Maneho sy manamarika ny fahaleovantenantsika amin'ny 26 jona izy io ary mampiseho fanantenana kosa raha oharina amin'ny vinam-piarahamonina izay manana fanamby goavana amin'ny fanombohana ny toekarena, ny ady amin'ny fahantrana, ny kolikoly ... izay mazava ho azy fa mifandraika amin'ny vahoaka, hoy ny fanazavana. Ireo rehetra ireo dia mifandray amin'ny fanoloran-tenany, ny fahitany, ny fandraisany anjara, hanampy sy hamonjy an`i Madagasikara, hoy ihany izy. Tafiditra tanteraka ao anatin`ny fahantrana lalina, kolikoly avo lenta ny firenena. Amin`izao fotoana izao, dia nohamafisiny fa izy 
 ilay kandidà tokana afaka hamaha ireo geja misy eto amintsika. Nandritra ny zaikabe tetsy CCI Ivato, no porofoiny fa izy ilay “gisa mainty”, manana izay toetra takiana amin`izany, traikefa…   mba hahatonga ny Malagasy tsy an-kanavaka na ny tantsaha, ny fisotroan-dronono, ny mpiasam-panjakana, ny mpikatroka ara-toekarena ... hiaina amim-pahasambarana ao amin'ny firenena. Efa tamin`ny 10 taona lasa ity kandidà ity no niomana hiatrika safidim-bahoaka ary mazava ny teny faneva entin`ny antoko AFIMA “Vahoaka hatrany, vahoaka ihany”. Noho izany, mametraka fanamby ny tenany fa ho fitaratra aty amin`ireo firenen`ny ranomasimbe indianina i Madagasikara ary handroso bebe kokoa aty amin`ny kaontinantaben`i Afrika. 

Marigny A.

Tia Tanindrazana

Samia mijoro ho an'i Gasikara.