Politique

Partagé sur :
• facebook

Kandida ho ben’ny tanàna iray tao amin’ny kaominina Inakafy, distrikan’i Betroka no maty nisy nitifitra ny alahady 16 aogosotra teo tao an-tanànany tao Ianakafy ihany izay sady tanindrazan’ny Depiote Randrianasolo Jean Nicolas,

 solombavambahoaka  voafidy tao Betroka ihany koa. Kandida  mahaleotena natolotry ny  ny  fikambanana  Firaisankina Ralambo Tsiharagny Retana.  Nandritra  ny  fanisana  vato dia  fantatra fa nandresy ity kandidan’ny Firaisankina ity saingy niova teny  an-dalana ny vokatra ka lasa ny  kandida  Razanamahery  Fety Mana Gilbert  avy amin’ny antoko Hvm no mitarika  vonjimaika. Marihina fa nisy efatra  ireo  kandida nifaninana tao  Ianakafy fa  izy roalahy ireo no nahazo be indrindra. Tsy nanaiky an’io vokatra  vonjimaika io i  Tsiharagny Retana ka nametraka  fitarainana tany amin’ny  fitsarana misahana ny ady   amin’ny fanjakana  tany Toliara kanjo  vao  tafaverina  tany an-tanànany  izy dia  izao nisy nitifitra izao ka maty. Fifanandrifian-javatra ve sa  efa nokendrena mihitsy ny  namonoana  ity  kandida  ben’ny tanàna ity fa raha ny  mponina ao Betroka, indrindra fa ny  any Ianakafy dia resy lahatra  fa misy ifandraisany amin’ny  resaka politika  izao fahafatesana  tampoka  izao. Ny kaomandin’ny  vakim-pileovan’ny zandarimariam-pirenena ao Betroka kosa  dia  manamafy  fa tsy misy  ifandraisany amin’ny resaka politika  ity raharaha ity fa  mety lolom-po  efa  niotrika efa ela. Efa  misokatra ankehitriny ny fanadihadiana.

Andry Ratovo

Tia Tanindrazana

Samia mijoro ho an'i Gasikara.