Politique

HVM Manohitra ny fandravana ny CENI-T

Politique
Alakamisy 21 Mey 2015

Tsy namaly mazava mikasika ilay baiko niainga avy ao amin�ny Fiadidiana ny Repoblika ny tokony handinihana na tsia ilay tolo-dal�na fanoloana ny Vaomieram-pirenena mahaleotena misahana ny fifidianana mandritra ny tetezamita ny talen�ny kabinetra Rabary Njaka Henry.

Nambarany tsy ampisalasalana kosa anefa fa manohitra ny fandravana ny CENI-T ny Hery Vaovao ho an’i Madagasikara amin’ny maha-sekretera jeneralin’ity antokon’ny mpitondra ity azy. Mitondra mankany amin’ny tsy fanarahan-dalàna ny fametrahana rafitra vaovao hiandraikitra ny fikarakarana ny fifidianana mialoha ny kaominaly amin’ny volana jolay 2015. Voasoratra ao anatin’ny tondrozotra rahateo ny mbola tokony handraisan’ny CENI-T an-tanana ny fanatontosana ny fifidianana mpanolotsaina sy Ben’ny tanàna. Manohana kandida Ben’ny tanàna mivoy ny fampivondronan-kery ho fampiharana ny fampihavanam-pirenena ny HVM raha nanazava ny tsy nanoloran’ny ny antoko mpifaninana eto Antananarivo Renivohitra ny sekretera jeneraliny.

Ramano F.