Politique

HO ANAO MPANAO POLITIKA

Politique
Alatsinainy 04 Aogositra 2014

Mba manana andraikitra anatin �antoko Kanefa dia tsy olona tia serasera ? Vao kianina kely dia mifokofoko Sy tezitra , tsy mahatanty tsikera ?

Tsy aleo ve mipetraka raha toy izany

Sao ny tosidrà no hiakatra lava ?

Ny mpanao gazety raha mbola eto an-tany ,

Tsy maintsy miteny satria manam-bava.

Ny mihaino no adidin ‘ireo mpahalala,

Mandray am-pitiavana dia misafidy.

Fa misy ny mamy toa voankazo an’ala

Ary misy dia misy ny tena mangidy.

Kanefa dia tena amim-pahatoniana

No iseraseràna fa tsy am-batravatra.

Mpanao politika o ! tsy fanakiviana,

Fa mialà malaky raha mbola tsy zatra .

Satria ny vahoaka no iseraseràna.

(Ny mpanao gazety , mpitatitra ihany .)

Ka raha ratsy fo, mametraha fialàna

Mba ho fitsimbinana anao be tomany !

SEDERA RAVALISON (03 -8 -14)