Politique

Partagé sur :
• facebook

Tena hitombo ny vaton’ny K25 any amin’ny faritany. Io no ho vokatry ny fanohanana maro be, ary tsy hoe mpanao politika ihany fa hatramin’ny artista, mpanao fanatanjahantena,…

 no miara-mientana amin’ny fampandaniana an’i Marc Ravalomanana. Tena fifohazan-tsaina goavana no mitranga amin’izao fotoana izao, ary vao mainka hampitombo ny fahombiazana ny fanakaikezana ny vahoaka amin’ny alalan’ny fifandresen-dahatra isam-baravarana. Hain’ny K25 ny nanetsika ny mponina an-tanàn-dehibe sy ambanivohitra. Mandeha ny karazana fanaratsiana sy fampiadiana an’I Marc Ravalomanana amin’ny any amin’ny faritany. Hampiasaina ny fanaratsiana sy fanasoketana sesilany amin’ny haino aman-jery. Rahonana ny vahoaka, ary tonga hatramin’ny filazana amin’ny olona fa horoahina ny mpihavy, raha tsy lany ny kandida iray, hoy ny fampitam-baovao avy any Befandriana. Any amin’ny faritra Marovoay, dia velon-taraina ny olona amin’ny zavatra halefan’ny onjam-peo iray fa fanosoram-potaka ranoray no hatao isan’andro, ary manontany tena hoe mbola misy fanjakana ihany ve eto? Ety an-drenivohitra, dia vita hatramin’ny mamorona gazety hanaratsiana an’i Marc Ravalomanana fotsiny. Tsy mba manana porofon-kevitra mazava hanatsarana ny fanjakana tetezamita, izay tena famotehana tanteraka ny firenena ny sasany, ka ny fiezahana manoso-potaka an’I Marc Ravalomanana no fara-hery, saingy tsy adala ny vahoaka. Saika resy lahatra aminy sy manome toromarika ny mpiara-dia sy ny fiarahamonina hampandany an’i Marc Ravalomanana rahateo ireo olobe sy olom-boafidy samihafa, eny fa na ireo tsy nitovy hevitra taminy tany aloha aza.

Toky R

Tia Tanindrazana

Samia mijoro ho an'i Gasikara.