Politique

Hery Rajaonarimampianina Miandrandra fitoniana ho an`ny Malagasy

Politique
Alarobia 02 Janoary 2019

Nitondra firariantsoa ny filoham-pirenena teo aloha, Hery Rajaonarimampianiana, ho an`ny vahoaka Malagasy.

Aoka ny taona 2019 dia ho androm-pamohazana, taom-pisandratana ho antsika Malagasy ka ny isam-batan`olona sy isan-tokantrano ho tojo fahasoavana sy fahombiazana, hoy i Hery Rajaonarimampianina. Mirary taona vaovao hitondra fitoniana sy fandrosoana ho an`ny vahoaka Malagasy ny filoham-pirenena teo aloha ity ka ho tojo fisandratana maharitra. Ny taona 2018 dia nisehoana zavatra betsaka, toy ny fifidianana filoham-pirenena izay hitondra ny firenentsika. Nampiavaka azy ny fametraham-pialan`i Hery Rajaonarimampianina noho izy ho kandidà filoham-pirenena. Ny lalàna dia nametra lamina sy dingana hirosoana amin`ny fifidianana fa tsy maintsy mametra-pialana ny tenany. Ny 7 septambra lasa teo izy no nametrahany izany. Mila hajaina tokoa ny lalàna ka mendrika alaiana tahaka izany satria tsy misy olona ambonin`ny lalàna.

Marigny A.