Politique

Harinkarena 2014 : 7% sa 3% no tena marina ?

Politique
Alatsinainy 04 Aogositra 2014

Miteraka adihevitra goavana eny anivon�ny fiarahamonina ankehitriny ny tsy fitovian�ny tarehimarika momba ny vinavina harinkarena 2014

Nanambara mantsy ny praiminisitra, lehiben’ny governemanta tamin’ny fanolorany ny politika ankapoben’ny fanjakana na PGE teny anivon’ny Antenimieram-pirenena volana vitsivitsy lasa izay fa manodidina ny 7% izany. Hita kosa anefa ao anatin’ilay tetibom-panjakana nahitsy nolanian’ny filankevitry ny minisitra ary dinihan’ireo solombavambahoakan’i Madagasikara eny Tsimbazaza mandritra ny fivoriana tsy ara-potoana amin’izao fotoana izao fa 3% mahery io fitombon’ny harinkarena Malagasy io amin’ity taona ity. Ho an’ny mpanara-baovao aloha dia misimisy ihany ilay elanelana satria mahatratra 4% be izao, izay tsy mitombina velively ary tsy fahita manerantany mihitsy, raha ny filazan’ny manampahaizana ara-toekarena azy. Andrasan’ny mpiara-belona tokoa moa ny fanazavana avy amin’ny fanjakana ny amin’ny anton’io fidinan’ny salan’isa io tao anatin’ny fe-potoana fohy. Ny tsara ho fantatra ihany koa anefa dia voalazan’ny teny ifanomezana faha-6 ao amin’ny Madagasikara Am-Perinasa taona 2007-2012 novolavolain’ny fitondrana Ravalomanana fa 7 hatramin’ny 10% ny vinan’ny tahan’ny harinkarena faoben’ny firenena Malagasy ny taona 2012 saingy indrisy. Na izany aza ny tantara tsy mba fanadino.