Politique

Haingo Rasolofonjoa Tsy tongatonga ho azy io “N°1” io

Politique
Talata 28 Aogositra 2018

Lohalaharana ny kandida Haingo Rasolofonjoa ao amin’ny biletà tokana. Kandida anisan’ny tanora ary mpikambana tao amin’ny AREMA.

Tsy tongatonga ho azy ny nahazoany laharana voalohany fa misy antony, hoy izy. Lohalaharana ihany koa amin’ireo kandida avy eto avoan-tany, dia Marc Ravalomanana, Andry Rajoelina ary i Hery Rajaonarimampianina ao anatin’izay biletà tokana izay. Nilatsaka amin’ny anaran’ny antoko Avotra ho an’ny Firenena, izay tao anatin’ny AREMA ihany koa. Ambarany fa mahenika ny Distrika 119 manerana ny Nosy ny antoko nanolotra azy. Manamafy ny tenany fa vonona hitandro ny fandriampahalemana sy hanarina ny toeraken’i Madagasikara. Milaza ho vonona hatrany hampandroso ny firenena Malagasy izy, ary hanolotra ny programan’asany tsy ho ela. Tsara ny mampahatsiahy fa tanora anisan’ny namiratra amin’ny fandraharahana izy izay efa nanovo fahalalana tany Frantsa sy Etazonia. Manantena ny hitazona ny laharana voalohany hatrany amin’ny fifidianana filoha, ka tsy hijanona ho filaharana ao anaty biletà tokana ihany io fa hatrany anaty voka-pifidianana.

Toky R