Politique

Hafari Malagasy sy ny fampihavanam-pirenena Ny fizarana harena mitovy no tokony hatao iadiana amin�ny fahantrana

Politique
Alarobia 26 Novambra 2014

Ny fizarana harena mitovy ho an�ny isam-batan�olona ho an�ny fikambanana Hafari Malagasy no tena fampihavanam-pirenena fa tsy hatao cin�ma fotsiny ihany. Hatreto mantsy dia tsy misy fijerena ny tombontsoam-bahoaka mihitsy nanomboka ny taona 1960 nahazoantsika ny fahaleovantena no mankaty

Nanao politika ireo mpanao politika saingy politika ho an’ny tenany sy ny vady aman-janany fotsiny ihany, hoy hatrany ny filohan’ny Hafari Rafanomezantsoa Jean Nirina fa tsy ho an’ny vahoaka. Tsy ho hendry mihitsy ny mpanao pôlitika eto amintsika. Manaporofo izany hoy ihany izy nanohy ny tenany ny tsy fananan’izy ireo « projet de société » na vinam-piarahamonina entina hanampiana ny vahoaka. Ho an’ity fikambanana ity dia ny ady amin’ny fahantrana sy ny fahafahan’ny vahoaka 22 tapitrisa mandray andraikitra sy mihetsika ka mampidirany hetra hampihodinana ny fiainam-pirenena no tena fampihavanam-pirenena fa tsy fanomezana vahana intsony ireo mpanao politika.