Politique

Governemanta Raikitra ny famindram-pahefana

Politique
Talata 27 Janoary 2015

Ny ampitson�ny nitsanganan�ny governemanta dia efa nanomboka ireo famindram-pahefana teo amin�ireo minisitra teo aloha sy ireo vaovao. Anisan�ny nahavita izany omaly ny tao amin�ny minisiteran�ny mponina etsy Ambohijatovo, teo amin-dRamatoa minisitra teo aloha El�onore Johasy sy ny vaovao Onitiana Realy.

Goavana ny asa miandry ny minisitera, manify ihany anefa ny tetibola ampiasainy saingy vita foana ny asa rehefa ao ny fahavononana sy ny fitiavana, hoy Eléonore Johasy. Nandrangaranga ny tsy maintsy hametrahana ny fanjakana tsara tantana, ny mangarahara ary ny vokatra azo tsapain-tanana amin’ny asa atao kosa i Onitiana Realy, mpanao gazety ary lasa minisitra ankehitriny. Tsotsotra kosa kanefa nanan-danja ny famindram-pahefana teny amin’ny minisiteran’ny varotra sy ny fanjifana teny Ambohidahy teo amin’i Narson Rafidimanana, minisitra teo aloha sy Henri Rabesahala minisitra vaovao. Efa tanteraka omaly tolakandro ihany koa ny famindram-pahefana ho an’ny minisiteran’ny Indostria sy ny fampandrosoana ny sehatra tsy miankina teo amin’Atoa isany Jules Etienne (minisitra teo aloha) sy Narson Rafidimanana (minisitra vaovao).