Politique

Governemanta Fanamboarana fa tsy fanovana

Politique
Zoma 30 Janoary 2015

Nosoloina ny praiminisitra fa tsy niova kosa ireo minisitra mpikambana fa nasiana fanamboarana fotsiny. Tsy mitombina ny filazana fa fanovana no natao tamin�ireo tompon�andraikitra mpanatanteraka, hoy ireo mpandinika ny toe-draharaha politika

taorian’ny fitsanganan’ny governemanta Ravelonarivo Jean ny alahady 25 janoary 2015 teo. Sokajin’ireto farany fa nitondra fandaminana vaovao amin’ny fomba hitantanana ny raharaham-panjakana ny filoham-pirenena mba ahazoam-bokatra tsaratsara kokoa. Mieritreritra moa ny mpanara-baovao politika fa tsy maintsy mbola hiroso amin’ny tena fanovana tanteraka ireo mpiara-miasa mpanatanteraka afaka hanatontosa ny vina sy ny fandaharanasana nampanantenainy ny vahoaka ny filohan’ny Repoblika, araka ny fanazavany tamin’ny tafa nifanaovany tamin’ny mpanao gazety teny amin’ny lapam-panjakana Iavoloha farany teo. Nambarany rahateo izany amin’ny maha-tompon’andraikitra voalohany azy nandritra io fotoana io. Safidy manokan’ny filoha Rajaonarimampianina Hery rahateo ny 95%-n’ireo minisitra mandrafitra ny governemanta Ravelonarivo Jean ankehitriny, araka ny tsiliantsofina re.