Politique

Frankofonia 2016 15 - 20 novambra no fotoana eto Antananarivo

Politique
Alatsinainy 12 Oktobra 2015

Nampahafantarina nandritra ny fivoriana faha-31-n�ireo minisitry ny raharaham-bahiny avy amin�ireo firenena mampiasa manontolo na amin�ny ampahany ny teny frantsay na Frankofonia, tany Erevan Armenia ny 10 sy 11 oktobra 2015 ny lohahevitra sy ny sary famantarana ary ny fotoana hanatanterahana ny fihaonambe faha-16.

Nambaran’ny minisitry ny raharaham-bahiny Atallah Béatrice fa ny 15 ka hatramin’ny 20 novambra 2016 no hanatanterahana io fihaonambe io eto Antananarivo. Ravinala no sary famantarana. «Croissance partagée et développement responsable : les conditions de la stabilité du monde et de l’espace francophone» no noraisina ho lohahevitry ny fihaonambe eto Madagasikara.

Tamin’ny 2010, fitondran’i Marc Ravalomanana, i Madagasikara no efa voatondro hampiantrano ny fihaonamben’ny Frankofonia saingy noho ny fanonganam-panjakana notarihin’i Andry Rajoelina dia nafindra tany Soisa ny fihaonana.

Tsiahivina fa efa nampiantrano ny lalaon’ny Frankofonia i Madagasikara tamin’ny 1997.