Politique

Fokontany Antanetibe Antehiroka Manana ny maha izy azy

Politique
Alarobia 17 Jona 2015

Miavaka amin�ireo fokontany mandrafitra ny kaominina ambanivohitra Antehiroka ny fokontany Antanetibe. Tsy mba mifandray mivantana amin�ireo fokontany mpifanolobodi-rindrina mantsy ny misy azy fa voahodidin�ireo fokontany ao anatin�ny kaominina Talatamaty

. Azo ambara fa mitokana tokoa amin’ireo fokontany 9 izy saingy tsy ambakan’ireo fokontany 8 hafa ny fampandrosoana ifotony iainan’ny mponina ao an-toerana. Ankoatra ny herimpo sy ny ezak’ireo vahoaka tamin’ny fananganana ivontoerana famohazan-tsain’ireo kilonga madinika izay notohanan’ny mpitantana ny kaominina Antehiroka dia misitraka fotodrafitrasa maro ihany koa ny fokontanin’Antanetibe toy ny lalankely na ny tetezana vita amin’ny lalo-tsimenitra matevina mampitohy azy amin’i Talatamaty, ny arabe hifamoivoizan’ny fiarakodia ao Ambohiminono avaratra sy Ambohitravao, ny lalana rarivato ao Ambatotokana. Zava-bita efa sitrahan’ny mponina ao Antanetibe ihany koa ny birao ifoton’ny fananantany, ny toerana fanasan-damba ary ny fanajariana ny tany.

Ramano F.