Politique

Fizotry ny fifidianana Mpandrindra sy mpandamina ihany ny CENI

Politique
Alatsinainy 27 Aogositra 2018

Toy ny milaza an-kolaka avy hatrany ny filohan’ny vaomiera mahaleotena misahana ny fifidianana, Yves Herinirina Rakotomanana, ny sabotsy teo tetsy

Nanisana fa bitika ny fahefan’ny CENI raha ny momba ny tontolom-pifidianana no resahana amin’izao 1 volana mahery tsy hanombohan’ny fampielezan-kevitra izao. Mpandrindra sy mpandamina ihany ny CENI fa raharahan’ny rehetra ny fifidianana. Voarainay avokoa ny fitarainana maro. Anisan’ny nahitana olana ny lafiny lisitra. Voalohany ny tokony hanarahan’ny olom-pirenena tsirairay maso ny anarany izay mifandraika amin’ny antsoina hoe “Traitement alpha numérique de la liste électorale.” Faharoa dia tsara marihina fa tsy azo nokitihina intsony ny lisitra nanomboka ny 15 mey teo. Ny olona maty taorian’io daty io, noho izany, dia misy ao anaty lisitra. Tsy ao anatiny kosa izay feno 18 taona taorian’io daty io. Ny lalàna manan-kery no mandidy anay hanao izany, hoy izy. Na izany aza, efa nanaparitaka mialoha ny lisitra tamin’ireo fokontany miisa 19.000 latsaka manerana ny nosy ny CENI, raha ny fanazavana hatrany.

J. Mirija