Politique

Fizarana ny tan�nan�Antananarivo Mety ho amin�ny fampandrosoana raha tsy misy tetika politika

Politique
Talata 27 Janoary 2015

Mety ho amin�ny tena fampandrosoana ifotony ny fizarana an�Antananarivo ho enina raha tsy misy tetika politika, hoy ny fanazavan�ny manampahaizana iray momba ny fitsinjaram-pahefana sady mpahay lal�na, Atoa L�on Andrianasolo. Raha ny hita hatramin�izay mantsy, hoy izy dia matetika

tsy fantatry ny avy eo anivon’ny mpitantana an’Antananarivo foibe ny olana misy eny amin’ny boriborintany tsirairay. Rehefa misy ihany koa ny vola entina miasa dia avy hatrany dia mipaka any amin’ireo voakasika fa tsy mandalo any amin’ny fiadidiana ny tanàna foibe na (Grand mairie) izany. Haingana kokoa ny fomba fiasa amin’izay ary mety hisy ny fifaninanana masina eo amin’ireo samy kaominina madinika. Mifanohitra amin’izay anefa ny zava-misy raha misy hevitra ambadika. Ny nisy hatramin’izay dia izay mpitondra eto amin’ny tanànan’Antananarivo no matetika mahavita zavatra goavana eto amin’ny firenena. Hirariana ihany koa, hoy ity manampahaizana ity, mba tsy hisy ny zanak’Ikalahafa eo amin’ireo mpitantana ka izay mpanohana na mpiray antoko amin’ny mpitondra ihany no mahazo ny avara-patana amin’ny fampandrosoana ny boriborintany misy azy.