Politique

Fivondronamben’ny fikambanana ho an’ny fanovana Miantso ny filoha telo tsy hamaly ny fanasan’ny CFM

Politique
Sabotsy 26 Mey 2018

Nivondrona anaty vovonana iray ireo fikambanana 40 isa manohana ny tolon’ny fanovana tanterahina eny amin’ny kianjan’ny 13 mey. Nivoaka tamin’ny fahanginany izy ireo omaly ka nambarany fa tsy mahatoky ny fanelanelanana hataon’ny komitin’ny fampihavanana Malagasy intsony izy ireo (CFM).

Mpamono afo fotsiny ny hetsi-bahoaka ny CFM ho azy ireo fa tsy mitsinjo ny tombontsoam-bahoaka akory. Tsy mendrika ny hamaly ny antso hataon’izy ireo ireo filoham-pirenena telo efa nitondra teo aloha dia ny filoha Ratsiraka, Ravalomanana ary Andry Rajoelina. Raisinay ho mpamadika ny vahoaka, hoy izy ireo, izay mandeha mihaona amin’ny CFM mangingina any. Naborak’izy ireo ihany koa omaly fa tsy mahatoky ny CENI intsony ny vahoaka Malagasy satria mbola rafitra mpomba ny HVM hatrany io rafitra iray io. Nomarihin’izy ireo moa fa manohana hatrany ny tolona tarihin’ireo solombavambahoaka 73 mianadahy ho amin’ny fanovana izy ireo, mitaky tsy misy hatak’andro koa ny fialan-dRajao sy ny forongony sady miantso ny fitsarana avo momba ny lalàmpanorenana koa mba hamoaka ny valin’ny fitorian’ireo solombavambahoaka 73 mianadahy.

Pati