Politique

Fivondronamben�ny sendika Manome 48 ora ny fanjakana

Politique
Alakamisy 02 Jolay 2015

Mbola hitohy anio ny fihetsiketsehana ataon�ny sendika manoloana ny fitsarana Anosy. Omaly dia nanao fanambarana ny fiombonamben�ny sendika ka nandritra izany no nilazan�izy ireo fa tena marefo ny fiarovana ny zon�ny mpikatroka sendikaly, misy ny ramatahora sy ny fandroahana. Manome 48 ora ny fanjakana handray fepetra hentitra hamahana ny olan�ny Air Madagascar ity

fivondronamben’ny sendika ity. Ho henjana kokoa ny fitakiana aorian’izay raha tsy misy ny fivoaran’ny toe-draharaha. Ho an’ireo sendikalista dia voahosihosy ny lalàmpanorenana sy ny lalàna mifehy ny asa tamin’ny nisamborana sy nampiakarana teny amin’ny fitsarana ary nandroahana ireo mpiasan’ny kaompaniam-pitaterana Air Madagascar. Koa takian’izy ireo ny fanesorana ireo tompon’andraikitra tsy mahavaha olana ary koa ny fanafoanana ny fandroahana tsy misy hatakandro an’i Rado Rabarilala izay mpitarika sendikaly sy ireo 3 lahy mpiara-miasa aminy. Tsy misangisangy izahay fa tena hijoro, hoy ireto mpitarika sendikaly ireto ka aoka mba hieritreritra lalina tsara amin’ny fanapahan-kevitra horaisiny ny mpitondra fanjakana ao anatin’io 48 ora na 2 andro io.

RTT