Politique

Fitondran’ny HVM Hitohy hatraiza ny ra mandriaka ?

Politique
Alatsinainy 10 Septambra 2018

Vao nandray ny fitondrana i Hery Rajaonarimampianina ny 25 janoary 2014, dia efa ra mandriaka sy aina nafoy no nanamarika azy satria ny takarivan’iny no nisian’ny fipoahan-javatra teny Anosy tsy lavitra an’i Mahamasina,

ka nahafatesana olona sy naharatrana am-polony maro. Asa na fifanandrifian-javatra fa niala izy ary vao nandray ny fahefana i Rivo Rakotovao nisolo toerana azy, dia ireny niaraha-nahita ireny indray ny sakoroka sy aina nafoy ary ny naratra tetsy Mahamasina omaly antoandro. Ny fanjakana HVM mihitsy ve no ambinin-doza, fa toa anisan’ny tena nanamarika azy ny resaka aina nafoy ? Hatraty amin’ny faramparany aty dia mbola izany no miseho. Taorian’ny faty olona tamin’ny fanjanahantany sy ny raharaha 2009, dia tamin’ity fanjakana ity no nahitana famoizina ain’olona be indrindra noho ny fitsaram-bahoaka, ny lozam-pifamoivoizana mahatsiravina, ny pesta, ny sakoroka,…

Toky R