Politique

Fitondrana HVM Miaiky fa mahazaka olona ireo depiote 73

Politique
Sabotsy 26 Mey 2018

Ben’ny tanàna miisa 1 000 miampy parlemantera 57, ombam-bady aman-janaka sy izay olon-kafa hafarany isam-paritra no hamenoan’ny fitondrana HVM ny Coliseum Antsonjombe anio.

Tsy tsiahivina intsony ireo fahafaham-baraka nahazo ity antoko ity tamin’ireo famoriam-bahoaka notontosainy teto Antananarivo nanomboka ny volana aprily teo no ho nankaty fa ny mahatsikaiky kosa ankehitriny dia ny fiaikeny fa mahazaka olona ihany ireo depioten’ny fanovana miisa 73 etsy amin’ny kianjan’ny 13 mey. Tokony hajanona, hoy izy ireo, raha fintinina ny voalazan’ny solontenany tamin’ny herinandro ny hetsika eo amin’ity kianja ity. Midika izany fa tsapan’izy ireo ihany fa mahavita mampikatso ireo masinim-pandraharahana eto amin’ny firenena « izay depiote miisa 73 ». Tsapan’izy ireo ihany koa fa maro mpanara-dia ireto depiote ireto matoa misy izany.

J. Mirija