Politique

Fitantanana ny firenena Mivadika ho krizin�andrim-panjakana

Politique
Zoma 13 Febroary 2015

Krizy ao anatin�ny krizy no sedrain�ny firenena ankehitriny, hoy i Gaby Vakiniadiana. Tsy mbola tafavoaka akory amin�ny krizy politika nolalovan�i Madagasikara hatramin�ny taona 2009 isika dia efa manangasanga sahady ny

krizim-pitantanana eo amin’ireo andrim-panjakana efa mijoro ao anatin’ny Repoblika faha-IV, araka ny fahitan’ity mpanao politika mpanohitra ny fitondrana ity. Olana tena goavana ho an’ny filoham-pirenena Rajaonarimampianina Hery ny tsy fananana ireo solombavambahoaka maro an’isa eny anivon’ny Antenimieram-pirenena. Midika ho tsy fisian’ny fifampitokisana io fisehoan-javatra mitranga eo amin’ny fahefana mpanatanteraka sy mpanao lalàna io. Hita taratra fa tratran’ny takalon’aina avy amin’ireo depiote ny fiadidiana ny Repoblika ka mahatonga azy ireo manao tery vay manta ny fitondrana hanome ny fiara 4x4. Ilain’ireo solombavambahoakan’i Madagasikara tokoa ireo fiara tsy mataho-dalana saingy ny fomba fitakiana ilay izy no manimba ny hasin’ny andrim-panjakana. Ny manahirana kely amin’ny zava-misy fotsiny dia tsy voasoratra na voalazan’ny Lalàmpanorenana ny zon’ireo depiote hahazo itony karazana fiara itony. Ny fiainam-bahoaka rahateo efa latsaka ambany tanteraka ka mila vahaolana maika, hoy ny sekretera jeneralin’ny Vahoaka Miray.

Ramano F.