Politique

Firaisankinan’ny Sendika eto Madagasikara Manameloka ny fampiasan-kery ataon’ny mpitandro ny filaminana

Politique
Talata 08 Janoary 2019

Fampiasana fitaovam-panjakana sy fampiasan-kery no misy amin’izao fotoana izao, hoy ny firaisankinan’ny sendika eto Madagasikara. Afaka mandray andraikitra ny amin’izay mihoa-pefy ny tafika, hoy izy ireo fa tsy ekena kosa ny fandefasana baomba mandatsa-dranomaso maro be toy ny misy amin’izao fotoana.

Mihemotra ara-demokrasia sy ara-tsosialy indray ny firenena ary ho latsaka an-katerena raha izao no mitohy. Ny firenena mandroso sy matanjaka ary manankarena dia ireo firenena tena malalaka amin’ny fanehoan-kevitra ary tokony handraisan’i Madagasikara lesona hatrany izany. Tena tsy vahaolana mihitsy io fampiasan-kery ataon’ny mpitandro ny filaminana io ary vao mainka miteraka fanakorontanana, hoy hatrany izy ireo. Etsy an-daniny dia nitodika tamin’ny fitsarana avo momba ny lalàmpanorenana ihany koa izy ireo mba hamoaka ny valim-pifidianana tena marina amin’ity anio ity. Aoka mba ho tena valiny hatokisana no hiseho sy hivoaka ary matoky tanteraka ny fahendren’ny HCC izy ireo.

Tsirinasolo