Politique

Filohan'ny HAFARI Malagasy Tsy matahotra ny hosamborina

Politique
Sabotsy 06 Desambra 2014

Tsy matahotra ny hosamborina ny filohan'ny fikambanana HAFARI Malagasy Rafanomezantsoa Jean Nirina. Tsy matahotra ny hogadraina koa, hoy hatrany izy raha nitafa tamin'ny mpanao gazety omaly.

Taorian'ny fiantsoana azy teny amin'ny zandary Antananarivo Renivohitra no nanambarany izany no sady mbola niantsoany ihany koa ireo izay ao ambadik'ity raharaha ity mba sahy hiseho mivantana fa tsy hiafinafina any ambadika any. Apetraho ny fitoriana, hoy hatrany izy raha tena marina ny fanendrikendrehana sy ny fiampangana azy. Notsindriany manokana moa fa tsy maintsy manefa ny adidy tokony hatao amin'ny mpiara-belona aminy izy na inona na inona fanenjehana atao aminy. Efa ampy azy ny zava-bitany sady lova tsara avelany ho an'ireo taranany. Nisy moa ny fampandehanana azy hohenoina teny amin'ny fampanoavana omaly hariva saingy tsy tonga izy.