Politique

Partagé sur :
• facebook

Tontosa omaly ny fihaonana voalohany teo amin’ny filoham-pirenena Hery Rajaonarimampianina sy ny solontenan’ny solombavambahoaka mikasika ny fampiharana ny hafatry ny fitsarana Avo momba ny lalàmpanorenana amin’ny fampiharana ny « Pacte de responsabilité »

amin’ny   hitantanana ny firenena. Nandritra  ity fihaonana  voalohany ity  ary dia nisongadina ny  fitakian’ireo  solombavambahoaka ny fampiatoana ny  ramatahora ataon’ny fanjakana na ny atao  hoe fanjakana mpampihorohoro.  Voakasika amin’izany ny  raharaha  nisamborana ny depiote Lanto Rakotomanga  noho ny raharaha  200 tapitrisa  ariary.  Efa nanaovan’ny solombavambahoaka fanamarihana iny raharaha iny ary ny birao maharitra  dia tsy  nanaiky ny nanalana ny  zo tsy maty manotan’ity depiote ity. Manana ny fepetra napetrany ihany koa araka ny fantatra ny filoham-pirenena koa dia samy handinika kely aloha ny roa tonta. Tsara kokoa raha tsy eny amin’ny lapam-panjakana Iavoloha intsony fa any amin’ny toeran-kafa no hihaonana amin’ny manaraka, hoy ireo depiote. Tsy nisy ny fanapahan-kevitra mbola noraisina ary hita ho mbola mifamolaka mihitsy aloha ny filoham-pirenena sy ny solombavambahoaka. Efa ny HCC no nanome alalana amin’ny hihaonanay sy ny filohan’ny repoblika, hoy ny Depiote Mapar Jean Brunel Razafitsiandraofa ka tsy mitombina noho izany ny filazana fa voahitsaka ny lalàmpanorenana. Ho an’Atoa Rakotonarivo  Thierry mpitarika  sendikaly  sady « administrateur civil » dia  tokony  hanangana  governemantan’ny firaisam-pirenena ny  fitondrana ankehitriny ary ilaina vita   alohan’ny  hanaovana ny fifidianana ben’ny tanàna ny fametrahana  ny « Pacte de responsabilité ».Farany, dia tsara ho marihana fa na ny filoham-pirenena , na ireo depiote dia samy nandà ny hidiran’ny sehatra iraisam-pirenena mba hanelanelana amin’izao fifampidinihan’ny roa tonta izao

Andry Ratovo

Tia Tanindrazana

Samia mijoro ho an'i Gasikara.