Politique

Filankevitry ny governemanta Nandinika ny satan�ny fifandraisana

Politique
Alarobia 26 Aogositra 2015

Nodinihina manokana omaly teny amin�ny lapan�i Mahazoarivo nandritra ny filankevitry ny governemanta omaly, ny volavolan-dal�na momba ny sata

manokan’ny fifandraisana (code de la communication) ka nahitana manampahaizana manokana miisa telo avy tamin’ny firenena mikambana niaraka nidinika tamin’ireo mpikambana ao amin’ny governemanta nandritra ny ora maro. Handrindra farany ny sata ireto manampahaizana avy amin’ny firenena mikambana ireto alohan’ny handaniana ity sata manokana ity amin’ny filankevitry ny governemanta manaraka. Teo anivon’ny minisiteran’ny Fitsarana indray dia ny lahadinika momba ny fanajana ny zon’ny ankizy sy ny mikasika ny fivarotana ny ankizy amin’ny sehatra ara-nofo izay tafiditra ao amin’ny fivoriana mahakasika ny zon’ny ankizy hatao any Genève, Suisse amin’ny 28 septambra izao. Ho an’ny minisiteran’ny Fanabeazam-pirenena indray dia tapaka tamin’ny filankevitry ny governemanta ny fankalazana ny andro iraisam-pirenena amin’ny ady amin’ny tsy fahaizan-taratasy izay hatao eny Mahitsy, distrikan’Ambohidratrimo ny 8 septambra izao. Ary ho an’ny minisiteran’ny kolontsaina sy ny Vakoka dia tapaka ihany koa ny fandraisana anjaran’i Madagasikara amin’ny « Forum sino-africain » hetsika ho fiarovana ny kolontsaina izay hatao any Sina ny 7 ka hatramin’ny 12 septambra 2015.