Politique

Filankevitry ny fampihavanana Malagasy Miantso ny feon’ny fieritreretan’ny HCC

Politique
Alarobia 02 Janoary 2019

Mandala hatrany amin’ny maha raiamandreny azy ny Filankevitry ny fampihavanana Malagasy (CFM), hoy ny filohany, Maka Alphonse, ary manao antso avo amin’ny hisian’ny fitoniana sy filaminana amin’izao taom-baovao izao.

Efa antsika ny fihavanana fa ny fanabeazam-boho azy no tsy haintsika, hoy hatrany ity filohan’ny komitin’ny fampihavanana Malagasy ity. Ankatoka ny famoahana ny valim-pifidianana izay ho filoham-pirenena amin’ny fomba ofisialy avy amin’ny fitsarana avo momba ny lalàmpanorenana. Misy ankehitriny ny hetsika etsy amin’ny kianjan’ny 13 mey. Raha misy fitakiana dia aoka hatrany atao am-pilaminana sy ara-dalàna, hoy hatrany ny tenany. Azo toriana any amin’ny fampanoavana na “parquet” ny hosoka. Nisaoran’ity filoha ity manokana moa ny HCC nanalava ny fotoana ahafahana mametraka ireo fitarainana maro samihafa. Miangavy azy aho, hoy I Maka Alphonse mba hitsara araka ny fahaizany sy ny feon’ny fieritreretany fa tsy sanatria hobaikon’ny vola na zavatra hafa.

J. Mirija