Politique

Filankevi-panjakana Tsy mahefa mitsara ny fitorian-dry Rajoelina

Politique
Alakamisy 22 Janoary 2015

Omaly tolakandro ny Filankevi-panjakana, izay rantsam-pitsarana iray eo anivon�ny Fitsarana Tampony misahana ny ady ifanaovana amin�ny fanjakana, no namoaka ny fehin-keviny mikasika ny fitoriana napetraky ny �Vondron�Ambodivona� tarihin-dRajoelina mangataka ny hampihantonana sy

ny hanafoanana mihitsy ny fampiharana ny didim-panjakana nanendrena ny praiminisitra Ravelonarivo Jean, sy ny hampakarana ny raharaha any amin’ny Fitsarana avo momba ny lalàmpanorenana handinihany ny andininy faha-54 amin’ny lalàmpanorenana mikasika ny fanendrena praiminisitra, mba hampiatoana ny fananganana governemanta aloha. Milaza ho «tsy mahefa mitsara» ity raharaha ity ny Filankevi-panjakana. Didy tsy azo ivalozana ny an’ny Filankevi-panjakana ka dia vita hatreo izany ny amin’iny raharaha iny ary dia tapi-dalan-kaleha koa ny Vondron’Ambodivona, izay efa manomboka mipatitaka koa amin’izao fotoana.