Politique

Filan-kevitry ny fampihavanana Malagasy Hamoaka hira faneva

Politique
Talata 06 Novambra 2018

Hivoaka ato ho ato ny hira fanevan’ny filan-kevitry ny fampihavanana Malagasy izay noforonin’ny filoha lefitr’íty rafitra ity, Gerard Raharimampionona.

Araka ny fanazavan’ny mpamorona moa dia efa vita ny fandraketana am-peo azy ity ary tsy ho ela ihany koa ny rakitsary. Tanjona ny hamerina ao am-pon’ny Malagasy indray ny soatoaviny, indrindra ny fihavanana, satria ny fiainana ihany, hoy izy no hampilamina eto. Izay no nahatonga ny lohatenin’ity hira ity hoe ‘’Antson’ny fihavanana”. Ireo bandikely manan-talentan’ny tohatohabaton’Antaninarenina sy Jess Flavi One ary Christian K moa no niara-mientana nivazo ity “antson’ny fihavanana” ity, hoy hatrany ny mpamorona ny hira.

J. Mirija