Politique

Fikambanana Mampiray Mitombo ny asa soa fanao tamin�ny fankalazana ny 8 martsa

Politique
Alatsinainy 09 Martsa 2015

Efa tena fanaon�ny fikambanana Mampiray tarihako, hoy ny solombavambahoaka Andrianarivo Harimampianiana Razakarivelo filoha lefitry ny Antenimieram-pirenena Faritany Fianarantsoa, ny fanaovana asa soa fa tsy hoe amin�izao fankalazana ny 8 martsa izao izahay vao mijery ny mpiara-belona izahay.

Mitombo fotsiny ny hetsika hatao nanomboka ny alakamisy tany Ambositra toerana nahavoafidy ny tenako amin’izay fankalazana ny andron’ny vehivavy maneran-tany izay, hoy izy, ka tamin’ny alalan’ny fizarana bodofotsy ho an’ireo vehivavy bevohoka no nanohizana izany. Ny zoma 6 martsa kosa dia nitsidika ny hopitaly sy ny trano fampiterahana na « matérnité » ny fikambanana nitondra ny tsirambin’ny tanana ho an’ny vehivavy marary sy ireo terabao, ny sabotsy 7 martsa dia nisy ny asa fanadiovana natao tao an-tanàna sy ny fambolen-kazo niraisan’ireo andriambavilanitra indrindra indrindra ary ny alahady 8 martsa ivon’ny fankalazana dia nisy ny fanompoam-pivavahana lehibe notontosaina tao Ambositra ihany ary mbola ny fikambanana Miray ihany no tompo-marika tamin’izany. Marihina fa ny andron’ny 5 martsa antoandro teo dia tazana teny amin’ny « Hall » ny lapan’ny Antenimieram-pirenena nanaovana ny hetsika « telethon » ho an’ireo traboina sy kere manerana ny Nosy, nanolotra fanampiana amin’ny maha solombavambahoaka azy ity depiote voafidy tany Ambositra ity.

Ntsoavina Evariste