Politique

Fikambanana Malagasy Mijoro Mankahery ny praiminisitra Ravelonarivo hahaleo hahalasa

Politique
Talata 27 Janoary 2015

Namory ireo mpikambana ao aminy teto Antananarivo ny faran�ny herinandro teo, teny amin�ny Centre Iray Aina eny Andavamamba, ny fikambanana Malagasy Mijoro avy eny amin�ny faritra iva ka namoaka fanambarana niombonana amin�ny fisaorana an�Andriamatoa filoham-pirenena Hery Rajaonarimampianina tamin�ny fanendrena ny jeneraly Ravelonarivo Jean ho praiminisitra

. Tianay sy maminay vahoaka monina ety amin’ny faritra iva ety tokoa io praiminisitra io satria tsy mbola vita akory ny famindram-pahefana taminy sy ny teo aloha nosoloiny dia efa tonga namangy sy nanolotra fanomezana ho anay vahoaka sahirana indrindra ireo traboina tety ambany tanàna izy. Midika izany fa akaiky anay sy mijery anay vahoaka izy sy ny vadiny satria Ramatoa Josiane Ravelonarivo koa izay vady andefimandriny dia tonga nanolotra vary sy paty ary menaka ho anay vahoaka sahirana izay tamin’ny alalan’ny vadin’ny filoham-pirenena Voahangy Rajaonarimampianina. Notohizan’ireo mpitondra teny dia Aina Rabarisoloaritefy sy Gervais Randrianarisoa ny famakiana ny fanambarana tamin’ny filazana fa : mijoro izahay vahoaka ambany tanàna ankehitriny Atoa Praiminisitra ka mitso-drano sy mankahery anao amin’ny asa sy adidy miandry anao.